Me gjekk mykje i butikkar. Kjøpte ikkje så mykje, mest fordi 80-tals gul, grøn, turkis og kvitt ikkje er heilt mi greie. Me kjøpte visst mest bøker. Og solbriller.
Det var vår i London.
Men det var fint å rusle rundt i ein skikkeleg by. Verte skikkeleg skitten berre av å vere ute, folk overalt og fleire drosjar enn det er innbyggjarar i Noreg.
Dei einaste bileta eg har er teken fordi me skulle vise ungane at:
1. Våren er på veg.
2. Me var ved det slottet der Store Vennlige Kjempe og Sophie snakka med Dronninga av England.
Vel heime vart me møtt av eit vasskoppemonster.
Fint ute.
Fint å vere heime.
