Shining vs Hukkelberg (oh, trøbbel i gjære)
I kveld duellerte jazzmetallbandet Shining mot Hanne Hukkelberg om A-ha sin utlova million.
Eg tok oppgåva seriøst, og hadde ungane med på råd foran tv, då Shining, Hukkelberg og ein bråte VG-liste-band haldt gratiskonsert på Rådhusplassen.
Om Shining
Guttungen (6): Han ser litt gal ut. (Han = Jørgen Munkeby)
Jentungen (9): Han ser absolutt gal ut.
Eg: Han er ein fantastisk musikar, då. Og det er jo veldig tøft.
Guttungen: Han syng litt lågt, eigentleg.
Jentungen: Han brøler alt han kan.
Guttungen: Men han brøler lågt.
Om Hukkelberg
Jentungen: Svart sminke til rosa ballkjole ser litt rart ut.
Guttungen: Musikken er bra, men eg likar ikkje synginga.
Jentungen: Eg trudde på førehand eg kom til å like ho best.
Guttungen: Eg likar ikkje panneluggen til ho der.
Eg: Er det plutseleg ein missekonkurranse no? Kva musikk likar de best? Denne musikken eller dei som spelte først?
Jentungen: Han som såg gal ut?
Eg: Jørgen Munkeby.
Guttungen: Eg er veldig i stuss.
Jentungen: Eg har bestemt meg. Eg likte dei første.
Eg: Shining.
Jentungen: Ja, dei.
Så stemmer me. Og ser resten av konserten. Då alt er over har jentungen ein kortvarig sorgreaksjon over at Hurra torpedo ikkje var med i avstemminga.
Eg: Kva likte de best?
Guttungen: Eg likte best Thom Hell.
Jentungen: Eg likte aller best han som sto bak i Hurra torpedo, og så han som såg gal ut.
Eg: Av alt du har sett i kveld likte du Kristopher Schau og Jørgen Munkeby best?
Jentungen: Absolutt.
Eg: Fordi dei var best?
Jentungen: Fordi dei var tøffast.
Huffdå.
Dette kjem til å ende forferdeleg. Det er genetisk. Trøbbel i gjære. Stakkars unge.
Ta unga med til http://minioya.no/ neste helg! Guttungen min skal spille på komfyr sammen med Hurra Torpedo på søndag og ellers er musikkfestival for barn med utebasseng temmelig uslåelig, syns du ikke?
Neste helg er eg i Danmark, då. Men tøffe og HELDIGE guttungen din! Både eg og jentungen dør av misund her.
haha, jeg digger ungene dine! Med slike anlegg og tendenser kommer det til å gå dem vel i livet. Ja takk til trøbbel!
Jeg er fryktelig enig med jentungen din. Jeg elsker Hurra Torpedo. De spillte her i går, og jeg gikk glipp av dem fordi jeg måtte jobbe. Det suger å være voksen.
Lille Bell! <3