Hausten 2012:
Litteraturhuset i Oslo
15 august
I fjor arrangerte Litteraturhuset “Kjære dagbok”, der forfattarar las frå dagbøkene sine. Det var så gøy og populært at dei køyrer på i år igjen.
Og eg skal underhalde. Alt eg kan.
Dessutan er eg ikkje aleine.
Lillesand folkebibliotek
31 august
Eg prøver meg igjen på sørlandet, denne gongen i Lillesand, for å fortelje om og lese opp frå Eirabubøkene. Eg gleder meg!
Dei arrangerer fleire bokkafear utover hausten.
OSLO BOKFESTIVAL
14-16 september
Dei har bedt meg komme, men kvar og kva tid og kva i all verdas rike eg skal gjere der, det kjem eg attende til.
Foreløpig er det i alle fall klart at eg skal stille i Saras telt i Spikersuppa på søndagen, saman med tre andre fine folk.
Kapittelfestivalen
19-23 september
Jada, det blir Stavanger i år. Arr er tema, og eg skal visst både snakke om den arrlause kroppen min for vaksne folk på kveldstid, OG lese om dei meir kvesta ungdommane i Eirabu for elevar på vgs. Begge deler ser ut til å skje fredag 21 september.
Forfattersleppet
1 oktober
Mandag første oktober starter forfattersleppet i Bergen, og her må ein som forfattar velge om ein vil presentere bok for vaksne eller born. Etter litt om og men kom eg fram til at denne gongen får Song for Eirabu bli presentert for kulturformidlarane til born og ungdom. Sjølv om bøkene er skrivne som vaksenbøker, har eg fått ein del fine tilbakemeldingar frå lesesterke fantasyelskande ungdom, og dei skal jo pinadø ha noko å bite i, dei og.
Kl. 11.00 – 15.00 Bergen Off.
Bibliotek
Seminar – Årets barne- og
ungdomsbøker presenteres for
lærere og bibliotekarer. I samarbeid
med Bergen Kommune,
seksjon for skole
Annlaug Auestad, Anna Folkestad,
Gro Fykse, Siv Østrem Peersen,
Terje Torkildsen, Kristine Tofte
og Hanne Bramness.
GRATIS ADGANG
Påmelding:
vest@forfattersentrum.no
Litterær salong
26 oktober
Eg har faktisk aldri opplevd ein fredagskveld i Haugesund.
Ein gong må bli den første.
Os litteraturfestival
08-11 november
Dei har bedt meg komme, men kvar og kva tid og kva i all verdas rike eg skal gjere der, det kjem eg attende til.
Os arrangerer altså festival samstundes som Falturiltu er på Stord, så her får me det travelt, mens resten av landet sit og måpar. Uvant, men fint.
Eg har sletta gamle kommentarar her, sidan eg har fått beskjed om at det framsto forvirrande. Men det er altså berre å kommentere og spørje og slikt, om du vil.