Medbuar-quiz: Barn eller syrehovud?

Kan ein verkeleg vere i tvil om ein bur saman med ein fire år gammal gut eller ein LSD-brukar i tjueåra?  Her er eit knippe situasjonar der du får testa kor god du er til å avdekke tvilstilfelle.

1. Når du klipper neglene står vedkommande og stirrer intenst på hendene dine gjennom eit forstørrelsesglas.

a) barn
eller
b) syrehovud?

2. Du vaknar klokka fire om natta av at vedkommande ligg i gangen og græt over at han ikkje kan finne supermannpysjen sin.

a) barn
eller
b) syrehovud?

3. Vedkommande et ingenting til middag, fordi han er for oppteken med å fortelje deg korleis det påverkar Yoda å bruke Krafta for ofte.

a) barn
eller
b) syrehovud?

4. Når du går i butikken med vedkommande, kan han bli ståande foran hyllene med godteri i ein halv time utan å seie noko, før han raskt riv til seg ein slikkepinn og stirrar triumferande på deg.

a) barn
eller
b) syrehovud?

5. Når slikkepinnen skal betalast for, held vedkommande fram alle myntane han har og let kassedama plukke ut ein høveleg mengd penger.

a) barn
eller
b) syrehovud?

6. Toalettet er oppteke i tre kvarter. Når du endeleg slepp til kan du sjå at alle toalettrullane har vore rulla heilt ut og er blitt rulla så godt som mogleg pent tilbake på rullekjernane.

a) barn
eller
b) syrehovud?

7. Du tenner stearinlys i stova. Vedkommande insisterer på at dei bør stillast inn i peisen, og gnistfangaren skal trekkast for, grunna brannfare.

a) barn
eller
b) syrehovud?

8. Du roper at det er kveldsmat, og vedkommande kjem til bords iført laken og spyd, og tviheld på ein plastboks med lok som han nektar å skille seg av med.

a) barn
eller
b) syrehovud?

Merk: Dette er nokre situasjonar som er henta frå kvardagen med fireåring, andre frå kvardagen i kollektiv på nittitalet.

Fasiten kjem i dag, fredag 26.09.08 klokka 15.00.

Kroppen

Jentungen (7) skriv bok. Den skal handle om kroppen hennar, korleis den virkar og kva som er inni. Ho illustrerer sjølv.

Slik går no dagane

«Hvorfor er du så grønn i ansiktet da, Drømmeprinsen?» spør Politimannen. «Har du tatt Pulverheksa sitt pulver?»
«Nei, jeg har på meg en grønn agurkmaske, jeg,» svarer Drømmeprinsen og skjønner ingenting.
«Agurkmaske?» spør Politimannen. «Hvorfor i all verden har du noe sånt på ansiktet?»
«Jo, for jeg blir så mye penere når jeg tar den av,» svarer Drømmeprinsen og er litt flau.
«Ja, det blir du sikkert, for du var jammen ikke pen nå,» sier Politimannen og går videre.

– Fra Pulverheksa redder tyven av Ingunn Aamodt

Ketchup

Det hender me har pølser. Det hender me har pasta og pølser, til og med. Riktignok kalkun og kylling-pølser og fersk pasta. Men det hender. Og då er det godt med ketchup. Utruleg lett å lage og smakar godt.

Før brukte eg alltid dei der kvartliterboksane med finmost tomat frå Lidl. Så ville ikkje Lidl vere her meir. No bruker eg anten det som har rent av hakka, hermetiserte tomater (når eg likevel lagar til dømes salsa) og har eit par skeier tomatpure oppi, eller så tek eg heile innhaldet i tomatboksen og finmosar.

Oppi ei lita panne. Set på kok. Husk lok, faenskapet boblar og grisar til kjøkenet.

Oppi med ein slant (til dømes ei raus spiseskei) raudvinseddik, like mykje sukker som eddik, og ei halv teskei Sambal Oelek. Rør rundt. Ferdig arbeid.

Og nei. Eg heller ikkje på krukker og oppbevarer og slikt. Dette er ferskvare og eingongsmat. Kunne sikkert konservert, men pytt. Det blir ikkje ete så ofte uansett.