Det er no du skal ut og plukke blåbær. Skogen er full.
Blåbærsyltetøy smakar vidunderleg, men blir ofte for flytande. Her er oppskrifta du har leita etter.
500 gram bær
250 gram sukker
Ingen tilsetningsstoff.
Sett steikeovnen på 200 grader.
Hell sukkeret ut i ei langpanne.
Så heller du bæra i steikepanne, og fyrer opp med høg varme.
Rør i bæra under oppvarminga.
Når dei saftar, og sukkeret har stått omlag ti minuttar, heller du det ovnsvarma sukkeret opp i steikepanna til bæra, og rører rundt.
Når bær og sukker har kokt saman i omlag 4-5 minuttar er syltetøyet tjukt nok.
Hell over på reine glas og skru på loket.
Trikset er at med så kort koking vert ikkje det naturlege pektinet i bæra øydelagt, og du tar dermed vare på stivelsen i bæra.
I tillegg vil den store flata til fordamping som steikepanna gir, gjere at syltetøyet kokar nok inn på så kort tid.
Velbekomme.
Vårlys 