Det er noko ugreie i skallen for tida. Det er som ein slags hjernevoks har lagt seg mellom den fantasifulle cortexen min og det som kjem ut. Eg ser det jo sjølv, det går veker mellom kvar bloggpost, det er sånn at eg får lett kvalme av å sjå eigen blogg. Nei, ikkje kvalme, eit irritert stikk av samvit eller skam eller noko. Eg burde så mykje. Men eg gjer det jo ikkje. På tide med ei liste. Over eit eller anna. La meg sjå. Liste over noko eg faktisk har fiksa i det siste.

  1. Eg dro til Spania med 70 sider Eirabu II-manus. Eg kom heim igjen med 200 sider. Dette har eg tenkt meg å vere veldig nøgd med heilt til klokka ti i morgon, for då ringer redaktøren som no har lese skiten.
  2. Eg har fått meg joggesko, mitt aller første par. Det begynte med at den trongen eg har hatt til å springe ned bakkane fekk utløp, og så bestemte eg meg for at det fekk vere skitsamma om eg ser Absolutely Fabolous ut når eg spring. Sidan har det blitt omlag 4 km annakvar dag. Det blir stadig mindre dødsstrevsomt på slutten av turen, så kan hende skrur eg snart opp til 6 km. Eg har tenkt å vere nøgd med innsatsen sjølv om eg er overtydd om at eg snart kjem til å skade meg.
  3. Eg har ikkje røykt sidan eg var i Spania. Det vil seie at eg har røykt fire sigarettar til saman på to veker, men det teller jo ikkje når ein pleier røyke tjue om dagen. Sjølv om eg garantert kjem til å røyke igjen, om ikkje anna så på fest og festival og slikt, så er eg nøgd med innsatsen så langt.
  4. Eg har lese fleire gode bøker. Greit, eg har ikkje blogga om dei. Gjer det nok, når eg får dradd ut hjerneproppen. Men eg har altså lese. Og det er bra. Ein må faktisk lese. Det nyttar ikkje å berre skrive.
  5. Eg har svømt mykje. Det er kjekt.
  6. Eg har skaffa meg ein sånn der bi-jobb. Eller, eg har sagt ja til noko. Eg veit ikkje kor lurt det er, som forfattar, men det er nytt og ei utfordring og alt det der, og det er sikkert ikkje så dumt heller.

Det var i grunnen det.

Ja, og så var det plutseleg ti gonger så mykje folk som det pleier innom bloggen min på mandag, endå eg ikkje hadde skrive noko nytt. Veit ikkje kva som stakk folk. Men dette har dei i alle fall søkt på for å komme hit:

avil 12
kristine tofte 11
karl den store 9
dansknorsk flagg 7
haustljos 4
kuk. 3
tema taterpigen 2
e-nummer liste 2
bursdagsord 2
storamål 2
jørgen munkeby 2
wordpress.com 2
boktips 1
snøggbåten i bergen 1
ragnfrid trohaug 1
fiskebolle 1
den sorte pegasus 1
aina basso blogg taterpige 1
seg sjølv kjenner ein andre 1
strektegninger 1
hnefatafl norrønt 1
david bowie sexy 1
guden frøya 1
fjord1 svele 1
krokodillekake 1
blåbærsyltetøy på klær 1
https://haustljos.wordpress.com/ 1
kåt mormor 1
bollekake 1
svidd bolle 1
taushetsplikten sin etiske side 1
ringeklokke børstet stål 1
ringeklokke dørskilt børstet stål 1
narsissister 1
kroatiaperler positive 1
livets uutholdelige letthet+film 1
jeg er en kåt mormor 1
blåbærsyltetøy uten rør 1
barne bh 1
kristine tofte nynorsksenteret 1
jenny mari bøe 1
bh til barn 1
byssan lull tekst? 1
kjærleikssorg 1
hausljos 1
dørskilt ringeklokke 1
russefeiring og eksamen 1
myklebust psykoanalyse 1
uglelyder 1
Advertisements