Med sigma fem sikkerhet kan eg slå fast at det er ferie

Stikkord

fantasy, guy gavriel kay, neil gaiman, sommar

For første gong på årevis skal eg berre chille, lese og ikkje skrive.
Kanskje du og skal lese nokre bøker, og treng noko som er skikkeleg fint og veit ikkje heilt kva?

Dersom du gjerne vil lese ei bok som har sin eigen, zenaktige eleganse, samstundes som den byr på episke intriger, innblikk i Tangdynastiets dekadanse og fall, ein sympatisk helt, vakre kvinner, samt bittelitt magisk dryss, kan du alltids lese Guy Gavriel Kay sin Under heaven.

Men kanskje du vil ha ei litt kortare bok, og litt meir eventyr, og kanskje lurer på korleis ein heilt og aldeles perfekt bok kan skrivast om å vekse opp på ein kyrkjegard? Då kan du lese Neil Gaiman sin Kirkegårdsboken.

Men for alt kva eg veit så treng du den Store Amerikanske Romanen, og kanskje du finn Jonathan Frantzen veldig jabbete, og kanskje trur du, som eg, at slikt er best å overlate til ein engelskmann, då er det jammen fint for deg at Neil Gaiman sin American Gods kjem på norsk i august. Eg håper veldigveldig at omsetjinga er boka verdig, for dette er boka alle heimar bør ha i hylla. Om du ikkje har ei hylle eingong, så kan du alltids bygge ei bittelita hylle berre for denne boka.

Og skulle alt skjere seg og veret blir dårleg og du treng endå fleire bøker, kan du jo alltids sjekke om det finnes noko av Siri Hustvedt du ikkje har lese. Eller Huraki Murakami.

God sommar!

Mlenge sidan

Stikkord

guy gavriel kay, klassekampen, lypsyl, pung, sitron

Meme, det er sånn greie ein driv med for å halde liv i bloggen når ein ikkje kan tenke, men også ein gamal rest, liksom, frå dengong bloggane hang saman som ein vev i veven, og me lenka til kvarandre og kommenterte hos kvarandre og mema rundt, liksom.

Alt godt har mema. Og det passar jo bra i dag.
Ho er hakket meir glamorøs enn meg, får me vel seie.

• Dagens leppestift/lipgloss: Lypsyl.

• Dagens duft: Eg har ikkje dusja i dag, så eg luktar vel litt sovelukt pog febersveitte.

• Dagens sko: Grå ulltøfler.

• Dagens smykker: Gifteringen.

• Dagens bok (altså den du les no): Under heaven, av Guy Gavriel Kay.

• Siste avis du las: Klassekampen.

• Siste musikk du høyrde på: Noko symfonisk rock bror min spelte for oss i påska. Yes, trur eg. Han dreiv med vaksenopplæring, men eg var ikkje heilt innan pedagogisk rekkevidde.

• Siste film du såg: Notting hill. Faktisk. I går, saman med dotter mi. Eg hadde nettopp målt 39 grader UNDER ARMEN, og erklærte meg derfor sjuk nok til jentefilm og svarte rockere (dei GODE seigmennene).

• Siste reise du var på (innanlands/utanlands): Innanlands: Fjelberg i påska. Utanlands: Har vel ikkje vore utanlands sidan i fjor sommar. Danmark, som vanleg. Eg er dansk gift. Nuff said.

• Siste nettstad du var innom før denne bloggen: VG. Eg vil eigentleg ikkje lese om han der terroristen og diagnosane hans, men eg klarar ikkje la vere.

• Siste te/kaffe du drakk: Den der ayur-vediske ingefær/sitron-teen.

• Siste setning du sa: Uhell kan skje alle (til dotter mi).

• List opp tre ting frå veska di: Pung, nøkkelknippe, lypsyl.